Ézéchiel

7 « Kanta to, pitit wonm-an, mo chwazi to pou to djété pou pèp Israyèl-a : lò to ké tandé sa mo ka di to, to ké divèt avèrti l’ pou mo. 8 Si mo ka di roun moun ki méchan : “To ké mouri, asiré pa pitèt !”, mé ki to pa ka avèrti l’ pou i chanjé so konpòrtman, sa moun-an ké mouri akoz di so fot pas i méchan, mé pou mo, a to ki ké rèsponsab di so lanmò. 11 Di yé : “Men sa Souvéren Sényèr Jéova-a ka di : ‘Menm fason a vré mo vivan, lanmò roun moun ki méchan pa jen ka fè mo plézi ; mo préféré ki méchan-an chanjé so konpòrtman é ki i rété vivan. Rouvini é lésé vyé chimen zòt pran-an ! Wi, poukisa zòt té ké oblijé mouri, o pèp Israyèl ?’” 14 « “É si mo ka di moun ki mové-a : ‘To ké mouri’, épi i ka lésé so péché é i ka fè sa ki drèt ké sa ki jis, 15 si i ka randé garanti i té pran-an é i ka randé sa i té vòlò-a, é si i ka rèspèkté lalwa ki ka bay lavi épi i pa ka fè anyen ki mové, i ké rété vivan. I pa ké mouri. 16 Yé pa ké tchenbé kont di pyès péché i fè. Paské i fè sa ki drèt ké sa ki jis, asiré pa pitèt i ké rété vivan.” 33 É lò sa paròl-ya ké fèt — é yé ké fèt, asiré pa pitèt —, wi, yé ké savé ki roun profèt té la anmitan yé. »