Nombres

2 Tout Israyélit-ya koumansé rounourounou kont Moyiz ké Aaron, é yé tout té ka di : « Miyò nou té mouri an Éjip ouben miyò nou té mouri annan sa dézèr-a ! 8 Si nou ka fè Jéova plézi, asiré pa pitèt, i ké fè nou antré annan sa péyi-a koté dilèt ké myèl ka koulé é i ké bay nou l’. 9 Mé zòt pa divèt ni tounen zòt do bay Jéova ni pè moun péyi-a, paské nou ké kayakaya yé. Yé pa gen anyen pou protéjé yé ankò é Jéova la ké nou. Pa pè yé. » 10 Mé pèp-a té lé tchwé yé ké ròch. Alòr, laglwar Bondjé parèt asou tant réinyon-an, douvan tout pèp Israyèl-a. 11 É Jéova di Moyiz : « Pannan konmyen tan ankò sa pèp-a ké dérèspèkté mo konsa ? Pannan konmyen tan ankò yé pa ké asèpté mété yé lafwa annan mo magré tout mirak mo fè douvan yé ? 24 Mé kou mo sèrvitèr Kalèb vin gen rounòt mantalité é ki i kontinyé obéyi mo ké tout so tchò, mo ké fè l’ antré annan péyi koté i alé-a, asiré pa pitèt. É pitit di so pitit ké pran sa péyi-a. 33 Zòt pitit ké divini bèrjé annan dézèr-a pannan 40 lannen, é yé ké divèt péyé pou tout mové bagaj zòt fè pas zòt pa rété fidèl, jiktan dèrnyé annan zòt mouri annan dézèr-a. 34 Dapré kantité jou zòt fè ka monté désann pou gadé péyi-a, 40 jou, zòt ké poté pwa zòt fot pannan 40 lannen. Roun jou pou roun lannen, roun jou pou roun lannen. Konsa, zòt ké wè sa ki ka rivé lò roun moun kont mo.