Isaïe

2 I ké lévé kou roun ti plan douvan li, kou roun rasin ki ka soti di roun latè ki sèk. I pa ké gen prèstans é i pa ké sanblé roun moun èspésyal ; é so ganm pa ké bay nou anvi proché l’. 3 Yé té ka méprizé l’, é moun-yan pa menm té lé pasé òbò li, sa wonm-an ki té pou soufri é ki té byen konnèt maladi-a. A kousidiré yé té séré so vizaj pou nou. Yé té ka méprizé l’ é i pa té gen valò pou nou. 4 Wi, i pran nou maladi asou li é i poté nou doulò. Mé nou, nou té ka pansé ki i té krazé, ki Bondjé té ka pini l’ é ki i té gen chagren. 5 Mé, yé pèrsé l’ pou nou péché, yé krazé l’ pou nou fot. A li yé pini pou nou gen lapè, é si nou géri, a pas yé blésé l’. 7 Yé malmennen l’ é i lésé yé fè l’ soufri, mé i pa louvri so bouch. Kou roun mouton yé té ka mennen pou yé tchwé l’, kou roun brébi ki pa ka di anyen douvan moun-yan ki ka razé so pwèl, i pa louvri so bouch. 8 Yé pran l’ paské yé jijman pa té jis. Kimoun ki ké chaché konnèt di ki fanmi i ka vini ? Paské yé fè l’ disparèt di latè-a. Yé frapé l’ akoz di péché mo pèp fè. 12 A pou sa mo ké bay li roun parti anmitan roun patché moun, i ké partajé rékonpans-a ké sa-ya ki pwisan, paské i bay so lavi é a ké péchèr yé mété l’ ; i poté péché roun patché moun é i doumandé pardon pou péchèr-ya.