Isaïe

4 A pou malò tonbé asou nasyon-an ki ka péché, sa pèp-a ki plen ké fot, sa mové kalité moun-yan, sa pitit-ya ki malonèt ! Yé anbandonnen Jéova, yé dérèspèkté Sen Isayèl-a, yé viré do bay li. 5 Kou zòt pa las rébélé zòt kò, ki koté zòt ké pran kou prochen kou-a ? Tout tèt-a malad é tout tchò-a ka soufri. 6 Dipi annan pyé-a jik annan tèt-a, kò-a pa bon menm. I gen bobo, disan ranmasé anba lapò-a, bobo ki pa ka géri ; yé pa swen bobo-ya, yé pa bandé yé, é yé pa mété dilwil asou yé. 15 Lò zòt ka lonjé zòt lanmen, mo pa ka gadé. Zòt ka fè roun patché lapriyè, mé mo pa ka kouté zòt : zòt lanmen plen ké disan. 16 Lavé zòt kò, lavé pou zòt vin pròp ; tiré douvan mo tousa zòt ka fè ki mové ; arété fè mové bagaj. 18 « Vini é annou ranjé tout bagaj ansanm, a sa Jéova ka di. Menmsi zòt péché rouj, yé ké divini blan kou lanèj ; menmsi yé rouj kou létòf rouj fonsé, yé ké divini kou lalèn.