2 Corinthiens

5 Mé si roun moun fè ròt-ya lapenn, a pa mo i fè lapenn, mé a zòt i fè lapenn roun tibi — mo ka di sa pou mo pa tro rèd ké li. 6 Korèksyon-an zòt tout bay sa mouché-a ja asé pou li ; 7 aprézan, sa pou zòt fè pito, a pardonnen li ké tout zòt tchò é konsolé l’ pou i pa néyé anba gro chagren. 8 Mo ka konséyé zòt fè li savé zòt kontan li. 9 A pou sa mo ékri zòt osi : pou mo savé si zòt té ké obéyi tout kalité domenn. 10 Si zòt ka pardonnen roun moun pou roun bagaj, mo osi mo ka pardonnen l’. Anplis di sa, sa mo pardonnen (si mo pardonnen roun bagaj), mo pardonnen l’ pou zòt byen é douvan Kris-a, 11 pou Satan pa pran pyé asou nou, paské nou byen savé sa i lé fè. 15 Pas pou Bondjé, lò nou ka di bon nouvèl-a asou Kris, nou kou roun parfen ka santi chwit anmitan sa-ya ki asou chimen lavi-a ké anmitan sa-ya ki asou chimen lanmò-a. 17 Nou adòk paské nou pa ka fè komèrs ké paròl Bondjé-a, kou roun patché ròt moun ; mé nou ka palé ké tout nou tchò, paské a Bondjé ki voyé nou, wi, anba wéy Bondjé é ansanm ké Kris.