Psaume

2 Pourtan, mo manké pran roun mové chimen ; mo manké chibré. 12 A konsa méchan-yan fika, yé lavi toujou dous. Yé ka vin plizanpli rich. 13 A pou bon tchò vré mo té ka briga pou mo tchò rété pròp é a pou bon tchò mo pa sali mo lanmen ké pyès bagaj ki pa bon. 14 Mo té enkyèt tout lajournen ; chak bonmanten, Bondjé té ka korijé mo. 15 Mé si mo té di sa bagaj-ya, mo té ké trayi to pèp. 16 Lò mo té ka éséyé konprann sa, sa té ka troumanté mo, 17 jistan mo antré annan bèl tanp Bondjé-a ; a la mo konprann sa ki ké rivé méchan-yan. 18 Asiré pa pitèt, a asou roun latè ki ka glisé to ka mété yé. To ké fè yé tonbé. 19 To ké fini ké yé byen vit ! Yé ka vini plizanpli pròch di yé lafen ki ké vini anlè yé san yé konprann é ki ké mové pou yé ! 21 Mé mo té égri, é tout mo andidan té ka fè mo mal. 22 Mo té sòt é mo pa té gen entélijans ; douvan to, mo té kou roun zannimo ki pa gen entélijans. 23 Mé aprézan, mo la ké to toulong ; to tchenbé mo lanmen drèt. 24 To ka bay mo konsèy pou gidé mo, épi to ké fè mo gen laglwar. 25 Kimoun ankò mo gen annan syèl-a ? Dipi to la ké mo, mo pa lé anyen asou latè-a. 26 Mo kò ké mo tchò pouvé las, mé Bondjé ké fè mo tchò vin fò é i sa mo rékonpans pou tout-tan. 28 Pou mo menm, vini pròch di Bondjé, a roun bon bagaj pou mo. Mo fè Souvéren Sényèr Jéova-a divini mo réfij, pou mo palé di tout bagaj i fè.