Habacuc

2 Jik kitan, o Jéova, mo ké divèt rélé pou to vini sové mo san to pa tandé ? Jik kitan mo ké gen pou rélé pou doumandé to vini idé mo san to pa fè anyen kont moun ki ka fè ròt moun méchansté ? 3 Poukisa to ka fè mo wè enjistis ? É poukisa to ka pèrmèt moun dominé ròt moun ké méchansté ? Poukisa mo anmitan sa vyolans-a ké sa dèstriksyon-an ? Poukisa i gen tousa blo ké tousa konba ? 12 Ès a pa dipi tout-tan to la, o Jéova ? O mo Bondjé, sa-la ki Sen-an, to pa ka mouri. O Jéova, a yé to chwazi pou fè jijman-an fèt ; o mo gro Ròch, to mété yé pou pini nou.