2 Samuel

15 Apré tout sa bagaj-ya rivé, Absalon fè roun char pou so kò, é i pran pou li plizyèr chouval, é i pran 50 wonm pou kouri douvan li. 14 Lanmenm, David di tout fonksyonèr so lakou ki té ké li Jérizalèm : « Annou maron, sinon nou pyès pa ké chapé anba lanmen Absalon ! Annou fè vit, pas malò ké tonbé asou nou. Absalon ka riské ataké nou rounsèl kou konsa épi tchwé moun-yan ki ka rété annan vil-a. » 18 David gadé tout sa ki té pati ké li, ké tout Kérétyen-yan, tout Pélétyen-yan ké 600 Gatéyen-yan ki té swiv Itay lò i té lésé Gat. 21 Mé Itay réponn li : « Menm fason Jéova vivan é to menm to vivan, o mo sényèr, mo rwa, mo ké swiv to tout koté to ké alé, ki a pou mouri ki a pou viv ! » 27 Dèyè sa, rwa-a di prèt Zadòk : « Bondjé ka idé to konprann bagaj-ya byen, a pa vré ? To ké Abyatar, routounen annan vil-a. Alé ké zòt dé tiboug : to pitit Ayimaaz ké Jonatan pitit Abyatar. É a pou tout bagaj maché byen pou zòt ! 28 Mo menm, mo ké rété annan dézèr-a koté nou pouvé janbé larivyè Jourden-an jiktan zòt voyé roun mésaj pou mo. » 29 Donk, Zadòk ké Abyatar viré mennen Arch vré Bondjé-a Jérizalèm, é yé rété la.