Hébreux

8 Mé, men sa ki pi enpòrtan annan sa nou ka di : Nou gen roun gran prèt konsa, i asiz òbò tronn Majèsté-a annan syèl-a asou so drèt, 2 i ka sèrvi annan koté ki sen-an ké annan vré tant-a. Sa tant-a, a pa roun moun ki fè l’, a Jéova ki fè l’. 5 Sa mouché-ya ka bay roun sèrvis sakré annan roun bagaj ki ka sanblé èkzaktéman ké sa ki annan syèl-a, é ki ka réprézanté sa i gen annan syèl-a, kou nou ka wè l’ ké sa Bondjé di Moyiz fè lò i té k’alé fè tant-a : « Fè atansyon pou to fè tout bagaj soulon modèl yé montré to lò to té annan montangn-an. » 10 Men sa Jéova ka di : « Paské men alyans mo ké fè ké pèp Israyèl-a apré sa jou-ya : Mo ké mété mo lalwa annan yé lèspri, é mo ké marké yé annan yé tchò. Wi, mo ké divini yé Bondjé, é yé ké divini mo pèp. 12 Mo ké pardonnen mové bagaj yé ka fè é mo pa ké sonjé yé péché ankò.