Psaume

2 O Jéova, tandé mo vwa. A pou to zorè kouté mo lò mo ka rélé pou to idé mo. 3 Si to té ka véyé fot nou ka fè, o Ja, o Jéova, kimoun ki té ké pouvé tchenbé ? 4 Mé vré pardon-an, a koté to nou ka jwenn li, pou tout moun adoré to. 5 Mo ka mété mo èspwar annan Jéova. Mo ka mété mo èspwar annan li ké tout mo tchò ; mo ka antann so paròl. 6 A pa ti antann mo ka antann Jéova, plis pasé gardyen-yan ki ka antann jou louvri, wi, plis pasé gardyen-yan ki ka antann jou louvri.