Psaume

144 A pou tout moun louwé Jéova, mo gro Ròch, sa-la ki ka montré mo kouman pou mo sèrvi mo lanmen pou briga, ké mo dwèt pou fè lagèr. 2 A li ki sa mo lanmou fidèl ké koté mo ka jwenn sékirité, sa-la koté mo ka alé séré ké sa-la ki ka libéré mo, mo boukliyé ké sa-la koté mo ka alé protéjé mo kò, sa-la ki ka fè pèp-ya rété anba mo pouvwar. 3 O Jéova, kisa roun moun sa pou to rémarké l’, kisa pitit roun moun sa pou to pran tan gadé l’ ? » 11 Idé mo é sové mo anba lanmen moun vini ki ka manti, ki ka lévé yé lanmen drèt pou di ki a lavérité yé ka di, mé a yenki manti. 12 Atò, nou tibolonm ké kou ti plant ki ka pousé vit ; nou tifi ké kou poto yé ka fè pou mété annan kwen roun palè. 13 Nou dépo ké plen ké tout kalité manjé ; nou zannimo annan nou savann ké vin mil fwa ké dimil fwa pi bokou. 14 Pyès mové bagaj pa ké rivé béf-ya ki plenn é pyès annan yé pa ké avòrté. Pyès moun pa ké rélé anmwé asou laplas-ya. 15 Si a sa ka fèt pou roun pèp, so tchò pouvé kontan ! Pèp-a so Bondjé a Jéova, so tchò kontan.