Jérémie

4 « Men sa Jéova chèf larmé-ya, Bondjé Israyèl-a, ka di tout sa-ya i fè Babilonyen-yan pran annan vil Jérizalèm pou mennen yé Babilòn : 5 “Fè kaz épi rété annan yé. Planté bati épi manjé frwi zòt planté-ya. 6 Maryé, épi fè tiboug ké tifi. Maryé zòt tiboug, é maryé zòt tifi pou yé menm osi yé fè tiboug ké tifi. A pou zòt vin plizanpli bokou koté zòt fika-a, é a pa pou i gen mwens moun koté zòt. 7 Fè sa zòt pouvé pou i gen lapè annan vil-a koté mo fè Babilonyen-yan fòrsé zòt rété é priyè Jéova pou i béni sa vil-a, pas si i gen lapè annan vil-a, zòt menm osi zòt ké gen lapè. 10 « Paské men sa Jéova ka di : “Lò 70 lannen-yan zòt ké pasé Babilòn ké fini, mo ké pran swen di zòt é mo ké fè sa mo promèt : mo ké fè zòt routounen an zòt kaz.” 11 « “Mo byen savé sa mo lé pou zòt, a sa Jéova ka di. A pa malò mo lé pou zòt, mé a lapè. Mo lé bay zòt roun avénir ké roun èspwar. 12 Zòt ké aplé mo, zòt ké vini pou priyè mo, é mo ké kouté zòt.