Psaume

42 Menm fason roun bich ki swèf anvi bwè dlo larivyè, mo anvi adoré to, o Bondjé ! 2 Mo bézwen Bondjé, Bondjé ki vivan-an. Kitan mo ké pouvé vin douvan Bondjé ? 3 Lannwit kou jou, mo manjé, a mo dlo wéy ; tout lajournen, moun ka ari mo, yé ka di mo : « Koté to Bondjé ? » 4 Mo ka sonjé sa bagaj-ya, é mo ka di tousa ki ofon mo tchò, pas anvan, mo té ka maché ké rèspè ansanm ké roun patché moun pou nou té alé annan kaz Bondjé. Mo té douvan, nou té ka rélé afòrs nou tchò té kontan é afòrs nou té gen rékonésans, nou té ka fè lafèt.