Isaïe

4 Jik jou zòt ké vyé, mo pa ké chanjé ; jiktan zòt chivé vin blan, mo ké idé zòt. Kou mo ja fè l’, mo ké poté zòt, mo ké idé zòt é mo ké sové zòt. 6 I gen sa ka tiré rounlo ké roun patché lò di yé ti sak ; yé ka pézé arjan-an asou balans-a é yé ka péyé roun moun ki ka travay lò pou i fè roun bondjé ké l’. Épi yé ka kroubé douvan sa bondjé-a, wi, yé ka adoré l’. 7 Yé ka mété l’ asou yé zépol ; yé ka poté l’ pou mété l’ koté yé gen pou mété l’, é i ka rété la. I pa ka alé pyès koté. Yé ka sipliyé l’ pou i idé yé, mé i pa ka réponn ; i pa pouvé sové pyès moun ki bézwen yé idé yé. 9 Sonjé bagaj-ya ki pasé tan-lontan, sonjé ki mo sa Bondjé é ki i pa gen ròt Bondjé. Mo sa Bondjé, é i pa gen pésonn kou mo. 10 Dipi koumansman-an, mo ka di sa ki ké rivé a lafen, é dipi nanninannan, mo ka di bagaj-ya ki pòkò fèt. Men sa mo ka di : “Sa mo di, a sa ki ké fèt, é tousa ki ka fè mo plézi, mo ké fè l’.” 11 Mo ka aplé roun zèg ki ka soti koté solèy-a ka lévé. Mo ka aplé moun-an ki ka soti di roun péyi ki lwen é ki ké fè sa mo désidé fè. Mo di roun bagaj, é mo ké fè l’. Mo désidé fè l’, é mo ké fè l’.