Kouman byen étidyé léson-yan ?
Étidyé yé ké roun Témwen Jéova : Doumandé roun léson biblik ké moun-an ki bay ou sa ti liv-a, ouben doumandé roun léson biblik asou nou sit entèrnèt jw.org.
PRÉMYÉ PARTI
Li chak paragraf-ya. Li osi késyon-yan ki gen roun koulò diféran (A) ké vèrsé-ya ki ékri an gra (B) paské yé ka montré lidé pi enpòrtan-yan. Anvan kèk vèrsé i marké « li ».
DÉZYÈM PARTI
Annan parti-a Annou fouyé annan Labib-a, prémyé fraz-ya ka bay roun koutwéy asou sa léson-an ké palé (C), é chak tit ké roun niméro (D) ka èspliké roun lidé enpòrtan. Li vèrsé-ya, réponn késyon-yan épi gadé vidéyo-ya (E).
Byen gadé osi zimaj-ya ké sa ki ékri pou konprann yé (F). Épi éséyé réponn késyon-yan annan parti-a I gen moun ka di (G).
TRWAZYÈM PARTI
Parti-ya Sa nou wè é Kisa ou anprann (H) ka palé di sa ou anprann annan léson-an. Ékri jou-a léson-an fini. Parti-a Éséyé fè sa (I) ka bay ou déztrwa bagaj ou pouvé fè. Annan parti-a Sa ou pouvé trapé osi (J), ou ké jwenn ròt bagaj pou li ouben pou gadé, si ou lé anprann plis.
Kouman trapé roun vèrsé annan Labib-a ?
Sa ki marké an prémyé a liv Labib-a (A), apré sa a chapit-a (B), épi roun ouben plizyèr vèrsé (C). Parèkzanp, Jean 17:3 sa lé di liv Jean, chapit 17, vèrsé 3.