PARTI 5

Anvan Délij-a, kimoun ki kouté ?

An tan Noé, roun lo moun té ka fè sa ki mal (Genèse 6:5).

Mové zanj ka divini wonm pou maryé ké fanm

Adan é Èv fè timoun, é i té gen bokou moun asou latè-a. Apré sa, kèk zanj swiv Satan annan so révòlt kont Bondjé.

Yé vini asou latè-a é yé chanjé yé kò an wonm pou yé té maryé ké sé madanm-yan. Sé madanm-yan fè timoun ki té ka divini dé jéan féròs ké pwisan.

Roun fanm ka tchenbé roun bébé toupannan roun ti garson ka frapé l’ ; sé Néfilim-yan, pitit sé zanj méchan-yan, ka aji ké vyolans

Latè-a té plen ké moun ki té ka fè bagaj ki pa bon. Labib-a ka di ki moun ki té asou latè-a té mové bokou. Sèl bagaj yé té ka sonjé, a té fè sa ki mal.

Noé kouté Bondjé é i konstrwi roun arch (Genèse 6:13, 14, 18, 19, 22).

Noé té sa roun bon moun. Jéova té di l’ i té ké détrwi sé méchan-yan ké roun délij.

Bondjé doumandé Noé konstrwi roun gran bato, roun arch. Noé té divèt fè so fanmi ké tout kalité zannimo antré annan l’.

Noé ka avèrti moun ki délij-a ka vini, mé yé ka ari di so tèt

Noé avèrti sé moun-yan ki i té ké gen roun délij. Mé yé pa kouté. Sèrten annan yé té ka ari di so tèt, ròt-ya té ka rayi l’.

Noé ké so fanmi ka rasanblé sé zanimo-ya é yé ka fè yé antré annan arch-a

Lò arch-a té fini, Noé fè sé zannimo-ya antré annan l’.