PARTI 8

Ki sans lanmò Jézi gen pou nou ?

Jézi mouri pou nou pouvé viv (Jean 3:16).

Trwa jou apré Jézi mouri, roundé madanm alé wè so tonm é yé trapé l’ vid. Jéova té résisité Jézi.

Jézi ka parèt douvan sé apot-ya, apré sa i ka monté laro syèl-a

Pita, Jézi parèt douvan sé apot-ya.

Wi, Jéova té résisité Jézi pou i viv kou roun zanj pwisan ki pa ké jen mouri. Disip Jézi té wè l’ lò i monté annan syèl-a.

Bondjé résisité Jézi é fè l’ Rwa di so rwayonm (Daniel 7:13, 14).

Dépi so tronn annan Rwayonm-an, Jézi ka dirijé sé imen-yan ki ka viv annan Paradi asou latè-a

Jézi bay so lavi pou péyé ranson-an pou limanité (Matthieu 20:28). Gras a sa ranson-an, Bondjé ka pèrmèt nou viv pou tout-tan.

Jéova fè Jézi Rwa pou i koumandé asou latè-a. I ké gen ké li 144 000 moun fidèl ki ka vini di latè-a, é ki ké résisité pou alé viv o syèl. Jézi ké sé 144 000-ya ka fòrmé roun gouvèrnman jis annan syèl-a : rwayonm Bondjé-a (Révélation 14:1-3).

Rwayonm Bondjé-a ké fè di latè-a roun paradi. I pa ké gen lagèr, kriminalité, moun maléré ké lafamin ankò. Tout moun ké gen tchò kontan (Psaume 145:16).