Kisa nou pouvé fè pou viv éré annan fanmi-a ?

Tout moun annan fanmi-a divèt kontan yé konpanyen si yé lé éré (Éphésiens 5:33).

Pou Bondjé, maryaj-a ka fèt ant roun wonm ké roun fanm.

Roun mari ki kontan so madanm ka konprann li é ka trété l’ ké tandrès.

Roun madanm divèt édé é soutni so mari annan so désizyon.

Timoun-yan divèt obéyi yé papa ké yé manman.

Montré ou janti é fidèl (Colossiens 3:5, 8-10).

Labib-a ka di ki roun mari divèt kontan so madanm kou i kontan so pròp kò. I ka di osi ki roun madanm divèt gen roun gran rèspè pou so mari.

Roun moun ki ka kouché ké roun moun ki pa sa so mari ouben so madanm ka dézobéyi Bondjé. I pa bon pou roun wonm maryé ké plizyèr fanm, é i pa bon pou roun fanm maryé ké plizyèr wonm non plis.

Labib-a ka anprann sé fanmi-ya kouman yé pouvé viv éré.