Enfòrmasyon

RÉINYON ÈSPÉSYAL

LÉKÒL POU ÉVANJÉLIZATÈR RWAYONM-AN Pyonyé ki gen ant 23 ké 65 an é ki anvi fè plis annan yé ministèr envité alé annan réinyon enfòrmasyon-an dimanch aprémidi. Yé ké anonsé lèr ké koté réinyon-an ké fèt pannan enfòrmasyon-yan.

ENFÒRMASYON

AKÈY Rèsponsab akèy-ya la pou idé ou. Byen kolaboré ké yé, é swiv sa yé ka di lò ou ka garé ou loto, lò ou ka alévini annan sal asanblé-a, lò ou ka rézèrvé chèz, èksétéra.

BAGAJ KI PÉDI Mennen tout bagaj roun moun bliyé annan sèrvis bagaj ki pédi. Si ou pédi roun kichoz, alé wè annan sa sèrvis-a. Ou pouvé mennen osi timoun ki pédi. Mé a pa roun gardri. Donk véyé ou timoun épi gardé yé òbò ou.

BATENM Si i pa gen ròt enfòrmasyon, chèz-ya ki douvan lèstrad-a rézèrvé pou kandida batenm-yan. A la yé divèt asiz anvan diskour batenm-an koumansé sanmdi bonmanten. Yé chak ké mennen roun mayoben korèk ké roun sèrvyèt.

CHÈZ Sonjé lézòt-ya. Rézèrvé chèz pou ou fanmi, pou moun ki ka vini annan menm loto ki ou, pou sa ki ka viv ké ou, ouben pou sa ki ka étidyé Labib-a ké ou. Pa mété anyen asou ròt chèz-ya.

OFRANN Pou ou byen profité di roun bon asanblé ki ké idé ou vini pi pròch di Jéova, yé mété asé chèz, matéryèl vidéyo ké sonorizasyon, ké bokou ròt bagaj ki ka kouté byen chè. Ofrann ou anvi fè ka pèrmèt péyé tout sa bagaj-ya, ké soutni aktivité Rwayonm-an toupatou asou latè-a. Pou sa pi fasil pou ou, i gen plizyèr bwèt pou ofrann annan sal asanblé-a. Tout ofrann byenvini. Kolèj santral-a ka roumèrsyé ou pou ou jénérozité lò ou ka soutni avansman aktivité Rwayonm-an.

PRÉMYÉ SÉKOUR Pa bliyé ki sa sèrvis-a la pou bay prémyé swen si i gen roun IRJANS ROUNSO.

VOLONTÈR Si ou anvi idé annan travay i gen pou asanblé-a, alé wè sèrvis volontèr.

« A POU ZÒT GEN KOURAJ ! »

ASANBLÉ RÉJYONAL 2018 TÉMWEN JÉOVA-YA

A Kolèj santral Témwen Jéova-ya ki òrganizé l’