Zimaj-ya ki annan nou piblikasyon pouvé idé to

I gen bokou zimaj annan nou piblikasyon é yé ka anprann nou bagaj ki enpòrtan. Kisa to pouvé fè pou to profité di tousa zimaj-ya ka anprann to ?

• Gadé zimaj-ya anvan to li artik-a. Yé pouvé bay to anvi li artik-a. Lò to ka gadé roun bon ti manjé, sa ka bay to anvi manjé l’. Donk, doumandé to kò : « Kisa mo ka wè asou zimaj-a ? » (Amos 7:7, 8).

• Toupannan to ka li artik-a, réfléchi asou poukisa zimaj-ya la. Li sa ki marké anba zimaj-ya ouben sa nòt-a ka di asou yé. Doumandé to kò kouman zimaj-ya k’alé ké sa ki annan paragraf-a é sa sa ka anprann to.

• Lò to fini li artik-a, pran tan viré gadé zimaj-ya pou sonjé sa to anprann annan artik-a ki enpòrtan. Éséyé sonjé zimaj-ya ké sa yé anprann to.

• Viré gadé zimaj-ya ki annan sa Tourdégard-a épi éséyé wè si to ka sonjé sa yé anprann to.