5. Rèspèkté lavi timoun-an ki annan vant so manman

Ké bèl ti palò, David èspliké ki Jéova ka gadé tousa ka rivé ké roun timoun ki annan vant so manman. Li Psaume 139:13-17, épi kozé asou sa késyon-an :

• Pou Jéova, lavi-a ka koumansé lò roun madanm ka tonbé ansent ouben lò bébé-a fin fèt ?

Lalwa-ya Jéova té bay pou pèp Israyèl té ka protéjé manman ké bébé-a ki té annan so vant. Li Exode 21:22, 23, épi kozé asou sa késyon-yan :

• Kisa Jéova té ka pansé di roun moun ki té ka tchwé san fè èsprè roun bébé ki té annan vant so manman ?

• Kisa Jéova ka rousanti lò roun moun ka chwazi tchwé bébé-a ki annan vant so manmanb ? (gadé nòt-a).

• Kisa ou ka pansé di fason Jéova ka wè sa ?

Gadé VIDÉYO-a.

VIDÉYO : Pou Jéova lavi-a gen bokou valò (5:00)

Menm roun madanm ki savé ki lavi-a gen bokou valò pouvé pansé ki sèl bagaj-a i pouvé fè a jité so timoun. Li Isaïe 41:10, épi kozé asou sa késyon-an :

• Si yé ka mété présyon asou roun madanm pou i jité so timoun, kimoun i pouvé doumandé pou idé li ? Poukisa ou ka pansé sa ?