4. Ki paròl divèt bay Ézékyèl fòrs ?

⁴ Kouman près tout Israyélit-ya té ké réyaji lò Ézékyèl té ké préché pou yé ? Jéova di : « Pèp Israyèl-a ké réfizé kouté to, paské yé pa lé kouté mo » (Ézéch. 3:7). Lò yé té ka réfizé kouté Ézékyèl, a Jéova yé té ka réfizé kouté. Sa paròl-ya rasiré Ézékyèl : i pa té mal fè so travay ! Jéova rasiré Ézékyèl osi pou rounòt bagaj : lò jijman i té anonsé-a té ké fèt, moun-yan té ké « savé ki roun profèt té la an mitan yé » (Ézéch. 2:5 ; 33:33). Nou pouvé sir ki sa paròl-ya bay Ézékyèl fòrs i té bézwen-an pou kontinyé fè so travay profèt.

8-9. a) Kouman lòrd Jéova bay Ézékyèl aji asou li ? b) Kisa Jéova fè pou bay Ézékyèl plis fòrs ankò pou i préché annan so téritwar ki pa té fasil ?

⁸ Jéova di Ézékyèl : « Pitit wonm-an, dibout pou mo palé ké to. » Sa lòrd-a, ké lèspri sen Bondjé, bay Ézékyèl fòrs i té bézwen pou lévé asou so dé pyé. Men sa i ékri : « Lèspri Bondjé antré anlè mo é i fè mo dibout asou mo dé pyé » (Ézéch. 2:1, 2). Pita é pannan tout tan i préché, « lanmen » Bondjé, sa lé di lèspri sen Bondjé-a, gidé li (Ézéch. 3:22 ; 8:1 ; 33:22 ; 37:1 ; 40:1). Sa lèspri-a bay li fòrs pou travay i té divèt fè-a : préché pou sa-ya ‘yé tèt té rèd’ ké sa-ya ‘yé tchò pa té lé kouté’ (Ézéch. 3:7). Jéova di Ézékyèl : « Mo fè to vizaj vin rèd kou yépa, é mo fè to fron vin rèd kou yépa. Mo fè to fron vin kou roun djanman, pi rèd pasé silèks. […] A pa pou to pè yé, é a pa pou yé vizaj fè to pè » (Ézéch. 3:8, 9). A kousidiré Jéova té ka di Ézékyèl : « Pa lésé sa pèp-a ké so tèt rèd dékourajé to. Mo ké bay to fòrs. »