Jézi : a té kimoun ?

Jéova voyé Jézi asou latè-a (1 Jean 4:9).

Si nou lé fè Jéova plézi, nou divèt kouté rounòt moun ki trè enpòrtan osi. Lontan anvan i kréyé Adan, Jéova té kréyé roun zanj trè pwisan annan syèl-a.

Kèk tan apré, Jéova voyé sa zanj-a pou i fèt asou latè-a, a Bètléèm, di roun vyèrj yé té ka rélé Mari. Yé aplé timoun-an Jézi (Jean 6:38).

Lò i té sa roun wonm asou latè-a, Jézi byen imité kalité Bondjé. I té sa roun moun janti, plen ké lanmou é moun-yan té alèz ké li. Ké kouraj, i anprann moun lavérité asou Jéova.

Jézi té ka fè sa ki byen, mé yé té rayi l’ (1 Pierre 2:21-24).

Jézi géri sé malad-ya osi é i résisité moun ki té mouri.

Sé chèf rélijyé lépòk Jézi-a té rayi l’ paské i té ka dénonsé yé manti ké mové bagaj yé té ka fè.

Sé chèf rélijyé-ya manti asou Jézi pou fè sé Romen-yan bat li é tchwé l’ apré sa.