PARTI 9

Kitan latè-a ké divini roun paradi ?

Tout mové bagaj i gen asou latè-a ka montré ki rwayonm Bondjé-a pa lwen di aji (Luc 21:10, 11 ; 2 Timothée 3:1-5).

Problèm ka rivé souvan pannan sé dèrnyé jou-ya : jwé pou soumaké, lagèr, maladi, lafamin, timoun ki pa ka obéyi é lavyolans annan fanmi–a

Labib-a di dépi lontan bagaj ki ka pasé jòdla. I di ki moun-yan té ké kontan soumaké, ki yé té ké dézobéyi yé paran, yé té ké san pityé é yé té ké kontan plézi.

I té ké gen gran tranblémandétèr, lagèr, lafamin ké maladi grav. A sa bagaj-ya ki ka pasé jòdla.

Roun Témwen Jéova ka préché bon nouvél Rwayonm-an pou roun mouché.

Jézi té di osi ki bon nouvèl asou Rwayonm-an té ké préché asou tout latè-a (Matthieu 24:14).

Rwayonm Bondjé-a ké fè tout méchansté disparèt (2 Pierre 3:13).

Dèstriksyon sé méchan-yan pannan Amargédon, apré sa yé ka pini Satan ké so démon-yan

Titalò, Jéova ké détrwi tout sé méchan-yan.

Satan ké sé démon-yan ké pini.

Jézi asiz asou so tronn annan syèl-a é moun di tout nayson gen tchò kontan

Sa-ya ki ka kouté Bondjé ké viv asou latè-a annan roun monn nouvo ki jis. Anyen pa ké fè yé pè ankò. Tout moun ké gen konfyans ké lanmou roun pou ròt.