LÉSON 47

Ès ou paré pou batizé ?

Zimaj piblikasyon-an

Gras a ou léson biblik, ou anprann bokou bagaj asou Jéova. É pitèt ou fè chanjman annan ou lavi pou fè li plézi. Mé pitèt i gen rounòt bagaj ankò ki ka anpéché ou vouwé ou lavi pou Jéova épi batizé. Sa léson-an ka palé di plizyèr bagaj ki pouvé anpéché ou batizé é i ka èspliké kisa ou pouvé fè pou ou pa lésé yé anpéché ou batizé.

1. Ès ou divèt konnèt tout bagaj asou Labib-a pou ou batizé ?

Pou ou batizé, ou divèt gen « vré konésans di lavérité-a » (1 Timothée 2:4). Sa pa lé di ki ou divèt gen roun répons pou chak ti késyon yé ké pozé ou asou Labib-a. Menm krétyen-yan ki batizé dipi lontan ka kontinyé anprann bagaj (Colossiens 1:9, 10). Mé a pou ou byen konprann ansèyman-yan ki pi enpòrtan annan Labib-a. Ansyen-yan ki annan asanblé-a ké idé ou wè si ou konnèt asé bagaj asou Labib-a pou ou batizé.

2. Ki bagaj ou divèt fè anvan ou batizé ?

Anvan ou batizé, ou divèt ‘répanti é tounen ou kò’ (li Actes 3:19). Sa lé di ki ou divèt vréman rigrété tout péché ou fè é ki ou ka doumandé Jéova pardonnen ou. Sa lé di osi ki ou byen désidé viv dapré sa Bondjé lé é ki ou pa ké fè anyen ki pa ka fè li plézi. Anplis di sa, ou divèt alé annan réinyon-yan épi divini roun proklamatèr ki pòkò batizé pou préché ké asanblé-a.

3. Poukisa ou pa divèt pè batizé ?

I gen roun ran moun ki pè pa tchenbé promès yé fè Jéova-a. A vré ki détan ou ké fè bagaj ki pa bon. Wonm ké fanm fidèl ki annan Labib-a, sa rivé yé fè bagaj ki pa bon. Mé sonjé ki Jéova pa ka doumandé ou pou ou parfè (li Psaume 103:13, 14). Sa ki enpòrtan pou li, a ki ou ka fè tousa ou pouvé pou fè li plézi ! É i ké idé ou. Labib-a ka promèt ki anyen « pa ké pouvé séparé nou di lanmou Bondjé gen pou nou » (li Romains 8:38, 39).

ANNOU FOUYÉ ANNAN LABIB-A

Lò ou konnèt Jéova pi byen é ou ka lésé l’ idé ou, sa ka bay ou fòrs ou bézwen-an pou ou pa lésé pyès bagaj anpéché ou batizé.

Montaj : Roun jenn madanm ka jéré bagaj-ya ki ka anpéché l’. Nou pouvé wè sa zimaj-ya pannan tout léson-an.

4. Anprann konnèt Jéova pi byen

Madanm-an ka étidyé Labib-a ké roun madanm Témwen Jéova.

Ki kantité bagaj ou divèt konnèt asou Jéova anvan ou batizé ? Sa ou divèt konnèt asou Jéova divèt asé pou ou gen lanmou pou li é pou ou anvi fè li plézi. Gadé VIDÉYO-a pou wè kisa déztrwa étidyan Labib-a asou tout latè-a fè pou konnèt Jéova pi byen. Apré sa, kozé asou sa késyon-an :

VIDÉYO : Sa ou divèt fè pou ou batizé (3:56)

Annan vidéyo-a, kisa ki idé déztrwa frè ké sò préparé yé kò pou yé batizé ?

Li Romains 12:2, épi kozé asou sa késyon-yan :

Ès ou ka douté di sa Labib-a ka ansényé ? Ouben ès ou ka doumandé ou kò si Témwen Jéova-ya ka ansényé lavérité ?
Si a sa, kisa ou pouvé fè ?

5. Pa lésé pyès bagaj anpéché ou batizé

Madanm-an ka mété roun Labib annan so sak toupannan so manman ka rélé dèyè li.

Lò nou ka désidé vouwé nou lavi pou Jéova épi batizé, nou ka jwenn bagaj ki difisil pou jéré. Pou wè roun èkzanp, gadé VIDÉYO-a. Apré sa, kozé asou sa késyon-yan :

VIDÉYO : Lanmou pou Jéova pi fò pasé tout bagaj (5:22)

Ki bagaj té ka anpéché Narangerel adoré Jéova ?
Kouman lanmou i té gen pou Jéova idé l’ réglé sa problèm-yan ?

Li Proverbes 29:25 ké 2 Timothée 1:7, épi kozé asou sa késyon-an :

Kisa ki ka bay nou kouraj pou réglé tousa ki ka anpéché nou adoré Jéova ?

6. Konté asou Jéova

Madanm-an ka préché pou roun granmoun. Sò-a ki ka étidyé Labib-a ké li la osi.

Jéova ké idé ou fé sa ki ka fè li plézi. Gadé VIDÉYO-a, épi kozé asou sa késyon-yan :

VIDÉYO : Jéova ké idé to (2:50)

Annan vidéyo-a, kisa ki té ka anpéché étidyan Labib-a batizé ?
Kisa ki idé l’ fè Jéova ankò plis konfyans ?

Li Isaïe 41:10, 13, épi kozé asou sa késyon-an :

Si ou ka vouwé ou lavi pou Jéova, poukisa ou pouvé sir ki ou ké rivé tchenbé sa promès-a ?

7. A pou ou toujou gen plis rékonésans pou lanmou Jéova

Pi ou ké réfléchi asou tout lanmou Jéova gen pou ou, pi ou ké gen rékonésans pou li é pi ou ké anvi fè so volonté pou tout-tan. Li Psaume 40:5, épi kozé asou sa késyon-an :

Kilès annan bénédiksyon Jéova ou pi kontan ?

Profèt Jérémi té kontan Jéova ké so paròl, é i té gen bokou rékonésans paské poté non Jéova, a té roun lònò pou li. I di : « To paròl plen mo tchò ké bokou lajwa, paské a to non mo ka poté, o Jéova » (Jérémie 15:16). Kozé asou sa késyon-yan :