Nou bézwen roun monn pi bèl !
António Guterres ki sékrétèr jénéral l’ONU di : « Monn nou ka viv annan-an annan rounsèl léta ». Ès ou dakò ké li ?
Lò nou ka li ouben tandé journal-a a yenki mové nouvèl ki ka enkyété nou :
Maladi ké pandémi.
Katastròf natirèl.
Lafamin ké moun maléré.
Polisyon annan lanatir-a ké klima déréglé.
Kriminalité, vyolans, moun malonèt.
Lagèr.
Sa klè kou dlo ròch, nou bézwen roun monn pi bèl, roun monn koté nou té ké trapé :
Moun ki gen roun lasanté parfè.
Sékirité pou tout moun.
Manjé pou tout moun.
Roun koté ki pròp.
Lajistis pou tout moun.
Lapè asou tout latè-a.
Mé kisa sa lé di roun « monn ki pi bèl » ?
Kisa ki ké rivé sa monn-an koté nou ka viv aprézan-an ?
Kisa nou pouvé fè pou nou viv annan roun monn pi bèl ?
Annan sa journal-a, nou ké trapé répons Labib-a ka bay asou sa késyon-yan ké ròt ankò, é sa répons-ya pouvé konsolé nou.