Étidyé Labib roun fason ki ké idé to panga !

Li Daniel 9:1-19 pou konprann poukisa sa enpòrtan byen étidyé Labib.

Gadé vèrsé-ya ki anvan ké sa-ya ki apré. Kisa ki rivé roun ti moso tan anvan é kouman sa chanjé lavi Danyèl ? (Dan. 5:29 – 6:5). Si a to ki té Danyèl, kisa to té ké rousanti ?

Fouyé pou anprann plis bagaj asou sa. Ki « liv » Danyèl dèt étidyé ? (Dan. 9:2, nòt ; w23.08 p. 4 § 7). Poukisa Danyèl konfésé sopa péché ké péché nasyon Israyèl-a osi ? (Lév. 26:39-42 ; 1 Rois 8:46-50 ; dp-F 182-184). Kouman lapriyè i fè ka montré ki i té sa roun moun ki té ka byen étidyé Paròl Bondjé-a ? (Dan. 9:11-13).

Kisa sa ka anprann to ? Doumandé to kò :

• « Kisa mo pouvé fè pou mo pa lésé sa ki ka pasé annan monn-an anpéché mo mété mo sèrvis pou Bondjé an prémyé annan mo lavi ? » (Mich. 7:7).

• « Ki bénédiksyon mo ké jwenn si mo ka byen étidyé Paròl Bondjé-a, kou Danyèl té ka fè l’ ? » (w04-F 1/8 12 § 17).

• « Ki bagaj mo pouvé étidyé pou mo kontinyé ‘panga’ ? » (Mat. 24:42, 44 ; w12-F 15/8 5 § 7-8).