30 “Ko na karaoa te baonikarea ibukini kabuekani baika boiarara,+ ao ko na karaoia man te kai ae te aketia.+ 2 E riai ni boraoi abwakina ma raababana, ae teuana te mwanokunibai* abwakina ao teuana te mwanokunibai raababana, ao uoua te mwanokunibai rietana. A na riki korona bwa bwaina naba.+ 3 Ko na kanimwa iai te koora ni koaua, aona ao rarikina ni kabutaa ma kooro ake iai, ao ko na karaoa mataniwina ae te koora ni kabutaa. 4 Ko na karaoi naba mwamwana aika koora aika uoua i aani mataniwina i aon iterana ake uoua ake a kaaitara, ao a na taui kaai ake a kabonganaaki ibukin uotakina. 5 Karaoi kaina man te kai ae te aketia ao ko na rabuni n te koora.