11 “‘Ma ni kaineti ngkanne ma kunin te kao mwaane ma irikona ni kabane ma matanriana, waena, kanoannanona, ao nakotaarina,+ 12 ake nikirani bwain rabwatan nako te kao mwaane, a na uotaki nako tabon te kaembwa nakon te tabo ae itiaki are e kakabwaroaki iai te mannang,* ao e na kabueki i aon te aia are n te ai.+ A riai ni kabuekaki n te tabo are e kabwaroaki iai te mannang.

27 “Ao a na uotaki nako tinanikun te kaembwa te kao mwaane ae te karea ni kabwarabure ao te kooti ae te karea ni kabwarabure, ake a uotaki raraaia ni karinaki n te tabo ae tabu ibukini karekeani kabwaraan te bure, ao a na kabuekaki kunia ao irikoia ao nakotaaria n te ai.+