14 Ao n te kawanibong e riai n anai taobe aika uoman ke bitin aika uoman aika ataei,+ ao e na nako matan Iehova i rarikini mataroan te umwa ni botaki ao e na anga baikai nakon te ibonga.* 15 Ao e na anga baikai te ibonga, temanna bwa te karea ni kabwarabure ao are temanna bwa te karea ni kabuekaki, ao e na karaoia te ibonga ibukini karekeani kabwaraan ana bure teuaei i matan Iehova ni kaineti ma te bae waanako mairouna.