22 Imwina ao e kaaki te taibora+ n te umwa ni botaki n iteran te umwanrianna ae tabu mai meang i tinanikun te keeten, 23 ao e kauaataoi bwerena+ i aona i matan Iehova, n aron are e tua Iehova nakoni Mote.

4 Ma e kaeka te ibonga nakon Tawita ni kangai: “Akea te bwerena ae aki tabu, ma iai te bwerena ae tabu,+ ae tauraoi tii ngkana a kawakinia rorobuaka n ataei mairouia aine.”*+

25 Ma e taku nakoia: “Kam tuai ni wareka taekan te baere e karaoia Tawita ngke e rotaki n te kainnano ao e baki,+ ngaia ma mwaane ake raona? 26 Ao arona ngke e rin n umwan te Atua, are koreaki n rongorongon Abiata+ are te mataniwi n ibonga,* ao e kang bwerena ake a kaotiotaki i matan te Atua, ae e aki riai ni kanaki irouia aomata ma tii ibonga,+ ao e angania naba mwaane ake raona bwa a na kanna?”