12 A na riki kaawa aikai bwa taabo ni kamanomano ibukimi mairoun te tia irantangaa te raraa,+ bwa e aonga n aki mate te tia tiriaomata ni karokoa kaetan taekana i matan te botaki n aomata.+

4 E riai ni birinako nakon teuana mai buakoni kaawa aikai+ ao n tei i rarikini mataroan oon te kaawa,+ ao ni kaota arona i mataia unimwaanen te kaawa anne. Ao a na butimwaeia ni karinna n te kaawa ma n anganna ana tabo, ao e na maeka i rarikia. 5 Ngkana e kaeaki iroun te tia irantangaa te raraa, ao a aki riai unimwaane n anga te tia tiriaomata anne nako nanoni baina, bwa e kamatea raona n aomata n te aro ae karina n riki,* ao e bon aki riribaia mai mwaina.+