10 E taku Baraam nakon te Atua ae koaua: “E kanakotaeka ni kangai nakoiu Baraka are natin Tibore are ueani Moaba: 11 ‘Noria! E a kabutaa aon* te aba te natannaomata ae otinako mai Aikubita aei. Nakomai ngkai bwa ko na kamaraiaia ibukiu.+ Tao I a kona iai ni buakania ao ni kakioianako.’”

11 E taku ngkanne Baraka nakoni Baraam: “Tera ae ko karaoia nakoiu? I kairiko bwa ko na kamaraiaia taani kairiribai nakoiu, ao noria akea te bwai ae ko karaoia ma ko kakabwaiaia.”+

13 N te bong anne ao e a warekaki ana boki Mote ao a ongora aomata,+ ao e kuneaki ae mwakoro iai ae a aki riai tibun Ammon ke tibuni Moaba+ ni kaaina ana botaki n aomata te Atua ae koaua,+ 2 bwa a aki anga te kariki ao te ran nakoia tibun Iteraera, ma n oneani mwin anne, a kabooa Baraam bwa e na kamaraiaia.+ Ma e bita te kamaraia anne Atuara nakon te kakabwaia.+