38 A riai ni karaoaki bwa biiti aika mmani aia baan mwaane aika bua maiuia aikai n aia bure, ao a na kanimwaki n te baonikarea ni kabutaa,+ ibukina bwa a anga baikai i matan Iehova ao a a riki bwa baika tabu. A riai n riki bwa te kanikina nakoia tibun Iteraera.”+

10 Ao tai riki bwa taani ngurengure n aroia tabeman i buakoia ngke a ngurengure,+ ao a tiringaki iroun te tia kamauna te aba.+ 11 Ao a riki baikekei nakoia bwa banna ni katoto, ao a koreaki bwa bwaai ni kauring nakoira,+ ngaira aika ti a maeka n tain tokin taiani waaki aika ngkai i aon te aba.