17 Bon 18 te mwanokunibai* rietani kaka teaina te boua,+ ao te tiabita* are i aona bon te buraati. Bon tenua te mwanokunibai rietan te tiabita, ao te warawara ma bamkuranete* ake a katobibia te tiabita ni kabutaa bon taiani buraati ni kabane.+ Anne naba aron te boua are te kauaai ma te warawara are iai.

12 E karaoi boua ake uaai+ ao tiabita* ake kaanga tein te boora ake a mena i aoni boua ake uaai mai eta, ao warawara ake uoua+ ake a unekenekei tiabita ake uoua ake kaanga tein te boora, ake a mena i aon taiani boua mai eta, 13 bamkuranete+ ake 400 ibukini warawara ake uoua, bon uarinan taiani bamkuranete* ibukin te warawara teuana ma teuana, bwa e na unekenekei tiabita ake uoua ake kaanga tein te boora, ake a mena i aoni boua akekei,+