9 Iai te mwaane temanna ae tibuni Beniamin ae arana Kiti,+ ae natin Abiera, ae natin Terora, ae natini Bekorata, ae natin Abiaa, ae tibuni Beniamin,+ ao te mwaane ae rangi ni kaubwai. 2 Iai natina te mwaane ae arana Tauro,+ ae ataei ao e botonimwaane, akea te mwaane i buakoia tibun Iteraera ae botonimwaane riki nakoina, ao e abwabwaki riki nakoia aomata ni kabane mai angana ni waerake.

15 Mangaia are a a bane n nako Kirekara aomata, ao a kaueaa Tauro i Kirekara i matan Iehova. Imwina ao a anga taiani karea n raoi ikekei i matan Iehova,+ ao a bukamaru ma te kimwareirei ae bati Tauro ma mwaane ni kabane aika tibun Iteraera.+