24 “‘Tai kamwaraeingkami n te bwai teuana mai buakoni baikai, bwa a a tia ni kamwaraeia ni baikai ni kabane natannaomata ake N na kakioianako mai mwaimi.+

8 “‘Ao I a kairingkami nakon abaia taian Amoraite ake a maeka n iteran te Ioretan are te iterana,* ao a buakaningkami.+ Ma I anga ngaiia nako nanoni baimi, bwa kam aonga n abana abaia, ao I kamaunaia mai mwaimi.+

11 “E a tia Manate are uean Iuta ni karaoi baika riribaaki aikai ni kabane, e karaoa ae buakaka riki nakoia taian Amoraite ni kabane+ ake imwaina,+ ao e karekeia tibun Iuta n te bure n ana bouannanti aika kamwara.*

16 Irarikin ana bure Manate are e karekeia iai tibun Iuta n te bure, n arona ni karaoa ae buakaka i matan Iehova, ao e katutui naba raraaia aomata aika akea aia bure n te aro ae rangi ni bati, ni karokoa ae e a kaona Ierutarem mai tabona nako tabona.+