17 Bwa Iehova ae Atuami bon te Atua+ ae rietata riki nakoia atua nako ao te Uea ae rietata riki nakoia ueea, ae te Atua ae kakannato, e mwaaka, ao e kamimi ma ni kakamaaku, ae e aki inanonano nakon temanna,+ ao e aki butimwaea te bwai ni kamaraato. 18 E karaoa te kaetitaeka ae riai nakon te teei ae akea tamana,* ao te aine ae e a tia ni mate buuna,+ ao e tangira te aomata ae maeka n iruwa,+ n anganna te amwarake ao te kunnikai.

6 Ai ngaia ae ti rangi n ninikoria ao ti kangai: “Te tia buokai Iehova,* N na aki maaku. Tera ae e kona ni karaoia te aomata nakoiu?”+