26 Mangaia are a anaa te kao mwaane ae ataei are a anganaki, ao a katauraoia, ao a wewetea arani Baara man te ingabong ni karokoa ae tawanou, ni kangai: “Baara, ko na kaekaira!” Ma akea te bwanaa ao akea ae e kaeka.+ A teimatoa ni waekirere ni mwamwaie ni katobibia te baonikarea are a karaoia.

37 Mangaia are e a nako Tennakeriba are Uean Aturia ao e a okira Ninewe+ ma n tiku ikekei.+ 38 Ao ngke e bobaraaki teuaei n ana auti* Nitiroka are atuana, ao a a kamatea naba n te kabaang+ oin natina ake Aterammereka ma Tiaretera, ao a birinako nakon te aba ae Ararata.+ Ao e a riki natina are Etaraaton+ bwa te uea n onea mwina.

5 A a rangi ni maaku taani boborau n te aro are a a weweteia atuaia ngaiia n tatabemania nako ibukini buokaia. Ao a a tetewenakoi bwain te kaibuke i taari bwa a na kabebetea.+ Ma e a tia n ruo rikaaki Iona nako kabin te kaibuke, ike e a wene iai ao ni matunako.