• Itaia 66:4
    Te Baibara ae Tabu te Rairai ae te Aonnaba ae Boou

    •  4 Mangaia ae N na rinei aanga aika N na katuuaaeia iai,+

      Ao N na karokoi i aoia baike a boni maakui.

      Ibukina bwa akea ae e kaeka ngke I wewete,

      Ao akea ae e kakauongo ngke I taetae.+

      A teimatoa ni karaoa ae buakaka i matau,

      Ao a rineia bwa a na karaoa te bwai ae I aki kukurei iai.”+

  • Ieremia 7:13, 14
    Te Baibara ae Tabu te Rairai ae te Aonnaba ae Boou

    • 13 Ma kam teimatoa ni karaoi baikai ni kabane,’ bon ana taeka Iehova, ‘ao e ngae ngke I okioki n taetae* nakoimi, ma kam aki ongo.+ I teimatoa ni weteingkami, ma kam aki kaeka.+ 14 Mangaia ae N na karaoa aron are I karaoia nakon Tiro+ nakon te auti ae kaotaki iai arau,+ ae kam onimakinna,+ ao nakon te tabo aei are I anganingkami ma ami bakatibu.