45 “A na boni bane n roko rekenikai aikai+ i aomi, ao ni kaeingkami, ao n taoningkami nako, ni karokoa ae kam kamaunaaki,+ ibukina bwa kam aki ongo ni bwanaan Iehova ae Atuami n teimatoa ni kakawakin ana tua ma ana moti ake e tua nakoimi.+

12 Ao N na anaiia nikiraia kaain Iuta ake a motikia bwa a na nakon te aba ae Aikubita ni maeka iai, ao a na bane ni mate n te aba ae Aikubita.+ A na bwaka n te kabaang ao a na mate n te rongo, mairoun ae te kabanea ni mangori ni karokoa ae te kabanea ni kakannato, a na mate n te kabaang ao n te rongo. Ao a na riki bwa te katoto ibukia akana karekeaki kaia, te bwai ni kakamaaku, te bwai n aki karineaki, ao te bwai ni kabuakakaaki.+ 13 N na katuuaaeia te koraki ake a maeka n te aba ae Aikubita n aron are I katuuaaea Ierutarem, n te kabaang, n te rongo, ao n te aoraki ae kamamate.+ 14 Ao nikiraia kaain Iuta ake a nako ni maeka n te aba ae Aikubita a na aki rabanako ke ni maiu bwa a na okira te aba ae Iuta. A na rangi ni kan oki ao ni maeka iai, ma a na aki oki, ma bon tii tabeman aika a na reke birinakoia.’”

27 I a tarataraiia ngkai bwa N nang karokoa te kabuanibwai, ao tiaki te bwai ae raoiroi.+ A na bane ni mate mwaane aika tibun Iuta ake n te aba ae Aikubita n te kabaang ao n te rongo, ni karokoa ae a boni mauna.+ 28 Tii tabeman aika a na reke birinakoia man te kabaang ao a na oki man te aba ae Aikubita nakon te aba ae Iuta.+ Ao nikiraia kaain Iuta ni kabane ake a roko n te aba ae Aikubita ni maeka iai, a nang ataia bwa antai ana taeka ae koro bukina, ngai ke ngaiia!”’”