10 Ao kangai nakoia, ‘E kangai ana taeka Iehova ae Atuaia taanga ni buaka,* ae Atuan Iteraera: “Noria ae I a kanaanako nakon Nebukaneta* are ueani Baburon, are au toro,+ ao N na kaaki ana kaintokanuea i etan raoi atibu aika I karabai aikai, ao e na taakina ana umwanrianna ae tamaroa i aoia.+ 11 Ao e na rin ao e na orea te aba ae Aikubita.+ Ane e riai n reke irouna te aoraki ae kamamate ao e na reke n te aoraki ae kamamate, ao ane e riai ni kairakinako bwa te taenikai ao e na nako bwa te taenikai, ao ane e riai ni mate n te kabaang ao e na mate n te kabaang.+