4 ao ane ko na taekina te kario ae kangai n ekaanako ueani Baburon:
“E a roko n tokina kangaa teuare kairoroiia aomata bwa a na mwakuri!
E a toki kangaa te karawawataaki!+
5 E a tia Iehova n otei aia kai aomata aika buakaka,
Ae okoia taan tautaeka,+
6 Are teuare oreiia botannaomata ma te marakinnano n te oro ae akea tokina,+
Ao teuare kataenikaiia natannaomata ma te un n te bwainikirinaki ae akea tokina.+