14 E kataenikaia Ierutarem ni kabutaa, ao e kairiia 10,000 bwa taenikai aika tooka* ni kabane,+ taani buaka aika korakora ni kabane, ma mwaane nako aika taani karaobwai aika mwaatai ma taani mwakuria te biti.*+ Akea aika a tiku ma tii te koraki ake taiani kabanea ni maiu ni kainnano n te aba.+ 15 Ngaia are e kairaanako Ieoiakin+ bwa te taenikai nako Baburon,+ ao e kaira naba tinan te uea, buun nako te uea, ana mataniwi nako, ao mwaane aika taiani kabanea ni kakannato n te aba, ao e kairiia bwa taenikai mai Ierutarem nako Baburon.

10 Ni moan te ririki* ao e kanaanako te Uea ae Nebukaneta bwa e na kairaki teuaei nako Baburon,+ n ikotaki naba ma bwaai aika kakawaki ake n ana auti Iehova.+ Ao e kaueaa Tetekia are tarin taman teuaei i aon Iuta ao Ierutarem.+

24 Ao e kaotii nakoiu Iehova bwaene ni biiku aika uakora aika kaakaki i matan ana tembora Iehova, ngke e tia Nebukaneta* are Ueani Baburon ni kairiianako bwa taenikai Iekonia*+ are natin Ieoiakim+ are uean Iuta, n ikotaki ma tokan Iuta, taani karaobwai aika mwaatai, ao taani mwakuria te biti.* E kairiia mai Ierutarem nako Baburon.+

2 Imwina riki ao Iehova e a anga Ieoiakim ae Uean Iuta nako nanoni bain teuaei,+ n ikotaki ma bwaai ni mwakuri man ana auti* te Atua ae koaua, ao e uotii te uea nakon te aba ae Tina*+ nakon ana auti* atuana. E katikui bwaai akekei ni nneni baika kakawaki ibukin atuana.+

3 Ao e tua te uea nakon Atibenati are mataniwia mataniwi n ana auti te uea bwa e na kairiia tabeman tibun Iteraera, n ikotaki ma kanoaia ueea ma bwaanuea.+