Taian Areru
Te kaetieti nakon te mataniwi n te anene ibukin Neairota.* Ana anene Tawita.
5 Ongora n au taeka ngkoe ae Iehova,+
Mutiakina ikenrawau.
2 Mutiakina tangiu ni kani buokaki,
Au Uea ao Atuau, ibukina bwa I tataro nakoim.
3 Iehova, ko na ongo bwanaau n te ingabong,+
Ao N na bunra tabeaiangau nakoim n te ingabong,+ ao n tataninga ma te ingainga.
4 Bwa tiaki ngkoe te Atua ae ko kukurei n te buakaka.+
Akea temanna ae buakaka ae e na tiku i rarikim.+
5 Akea te aomata ae kainikatonga ae kona n tei i matam.
Ko ribaiia aomata ni kabane aika kakaraoa ae buakaka.+
6 Ko na kamaunaia te koraki aika taekina te kewe.+
E ribaiia aomata aika iowawa ao aika mwamwanaa te aba* Iehova.+
7 Ma N na rin n am auti+ ibukini korakoran am tangira ae koaua,*+
N na bobaraaki nakon am tembora* ae tabu ma karineam ao maakam.+
8 Kairai Iehova i nanon am raoiroi ibukina bwa a otabwaniniai akana kairiribai nakoiu,
Kamwawaa kawaim nakoiu.+
9 Bwa akea te bwai ae a taekinna ae kona n onimakinaki,
Akea riki te bwai ae mena i nanoia ma tii te iowawa,
Buuaia bon te ruanimate ae akea bonotana,
10 Ma e na taekinia te Atua bwa a bure,
A na reke bwakaia n oin aia babaire.+
Ke a kakioakinako ibukin aia bure aika bati,
Bwa a a tia ni karitei nakoim.
11 Ma a na kimwareirei aomata ni kabane aika kamanoia iroum,+
A na tatakarua ni kimwareirei n taai nako.
Ko na tuka te rin nakoia,
Ao a na kimwareirei iroum te koraki aika tangira aram.
12 Bwa ko na kakabwaiaa ane e raoiroi, ngkoe ae Iehova,
Ko na otabwaninia n te akoaki, kaanga n te otanga ae bubura.+