Taian Areru
Te kaetieti nakon te mataniwi n te anene. Ana anene Tawita.
40 I ingainga ni kabotoa au kantaninga* i aon Iehova,
Ao e katanimaia taningana* nakoiu ao e ongo tangiu ni kani buokaki.+
2 E kaaerakeai man te mwarua ae karongoa ranna,
Man te bokaboka.
Ao e katei waeu i aon te bwaa,
E kateimatoa nakonakou.
3 Ao e kaaki te anene ae boou i wiu,+
E na karaoiroaki Atuara.
A na bati aika a na mataku ma te mimi,
Ao a na onimakina Iehova.
4 E a kukurei te mwaane ae onimakina Iehova,
Ao ae e aki rairaki nakoia aomata aika rarawa ke te koraki aika mwamwanaa te aba.*
5 Ai mwaitira baika ko a tia ni karaoi,
Ngkoe ae Iehova ae Atuau,
Am mwakuri aika kamimi ma am iango ibukira.+
Akea ae e kona ni kabotauaki ma ngkoe,+
Ngkana I kataia ni kaotii ao n taekini,
A aikoa kona n taekinaki bwa a rangi ni bati!+
Ko aki tua taiani karea ni kabuekaki ao karea ni kabwarabure.+
7 Ao I taku: “Akea bwa I a roko.
E koreaki taekau n te nira ni boki.+
9 I tataekina te rongorongo ae raoiroi ae taekan te bwai ae raoiroi i buakon te botaki n aomata ae rangi ni bati kaaina.+
Noria! I aki taua riau,+
N aron ae ko bon ataia ngkoe ae Iehova.
10 I aki rabuna am raoiroi i nanou.
I tataekina am kakaonimaki ao am kakamaiu.
I aki karabaa am tangira ae koaua* ao am koaua, i buakon te botaki n aomata ae rangi ni bati kaaina.”+
11 Iehova, tai taua am nanoanga mairou.
Ke e kawakinai n taai nako am tangira ae koaua* ao am koaua.+
12 A aikoa kona ni warekaki kabuanibwai aika otabwaniniai bwa a rangi ni bati.+
A rangi ni mwaiti au kairua aika taonainako n te aro are I a aki kona n nora kawaiu.+
A rangi ni bati riki nakon irannatuu,
Ao e a bwara nanou.
13 Taiaoka Iehova, tauraoi ni kamaiuai.+
Iehova, ko na bareiko ni buokai.+
14 Ke a bane ni kamaamaeaki ao ni bwaibwainrang
Te koraki ake a ukoukora anaakini maiuu.*
Ke a mumun rikaaki ma te bwaibwainrang
Te koraki ake a rangi ni kimwareirei ni karawawataau.
15 Ke a kubanrou te koraki ake a kangai nakoiu: “Ee! Ee!”
Ibukini maamaaia.
16 Ma ke a kakatonga ao ni kimwareirei iroum+
Te koraki aika ukoukoriko,+
Ke a kangai n taai nako te koraki aika tangiri am mwakuri ni kakamaiu:
“E bia kamoamoaaki Iehova.”+
17 Ma akea korakorau ao I maiu ni kainnano.
Ke e mutiakinai Iehova.
Bon te tia buokai ngkoe ao te tia kamaiuai.+
Atuau, tai baenikai.+