Taian Areru

8 Iehova ae ara Uea, ai kakannatora aram ni kabutaa te aonnaba,

Ko karietataa riki rinem nakoni karawa!*+

 2 Ko karekea te korakora mai nanoni wia ataei ao merimeri+

Ibukia taani kakaaitarako,

Bwa ko na kaina win te tia kairiribai ao te tia irantanga.

 3 Ngkana I nora am karawa, ae ana mwakuri tabonibaim,

Ma namwakaina ao itoi ake ko katauraoi,+

 4 Ao kaanga tera te aomata ae mamate ngkai ko iaiangoia,

Ao natin te aomata ngkai ko tabeakinna?+

 5 Ko karinanoa teutana nakoia te koraki aika ai aroia atua,*

Ao ko baunna n te mimitong ao te karineaki.

 6 Ko anganna tauan taekan ana mwakuri baim,+

Ko kaaki bwaai ni kabane i aani waena:

 7 Tiibu ma kooti ni kabane ao kaao,

Ao maan aika moaanti,*+

 8 Mannikiba ake i annang ao ikan taari,

Ao baika a mwamwae ni kawaini marawa.