Itaia
61 E anganai taamneina te Uea ae Moan te Rietata ae Iehova,+
Ibukina bwa e kabirai Iehova bwa N na tataekina te rongorongo ae raoiroi nakoia akana nimamannei.+
E kanakoai bwa N na bautiia akana uruaki nanoia,
Ao N na katanoataa te inaomata nakoia akana taenikai
Ao ni kaurei raoi mataia aomata ake taiani bure,+
2 Ao N na katanoataa ririkin akoan te aba iroun Iehova
Ao ana bong Atuara ni karekekai,+
Ao ni kabebetei nanoia aomata nako aika nanokawaki,+
3 Ao N na angania akana nanokawaki ibukin Tion
Rabunan te atu ae tamaroa n oneani mwin te mannang,
Te bwaa ni kakatonga n oneani mwin te nanokawaki,
Ao te kunnikai ni karineaki n oneani mwin te nano ae rawawata.
4 A na manga katei kaawa ake a uruaki ngkoangkoa,
Ao a na katei taabo aika kamaroaeaki ake ngkoa,+
Ao a na manga kaoki kaawa ake a uruaki,+
Ake taabo ake a wene ni kamaroaeaki man te rorona nakon te rorona.+
5 “A na tei ianena ao ni kawakinia ami nanai,
Ao a na riki iabatera+ bwa ami tia ununiki ao ami tia ribanaa te kureebe.+
6 Ao ngkami kam na aranaki bwa ana ibonga* Iehova.+
A na araningkami bwa ana tabonibai Atuara.
Kam na amwamwarake ni kaubwaia natannaomata,+
Ao kam na kamoamoaingkami ibukini baika tamaroa* ake kam karekei mairouia.
7 N oneani mwin te maamaa e na reke iroumi tibwangami ae uoua te tai mwaitina,
Ao n oneani mwin te bwaibwainrang a na takarua ni kimwareirei ibukin tibwangaia.
Eng, e na reke tibwangaia ae uoua te tai mwaitina i abaia.+
E na riki te kimwareirei ae akea tokina bwa aia bwai.+
N na kakaonimaki n angania boon aia mwakuri,
Ao N na karaoa te berita ma ngaiia ae akea tokina.+
Aomata nako ake a noriia naakai a na kinaia,
10 E na korakora kakatongau iroun Iehova.