Taian Areru

137 I rarikini karaangani Baburon+ ike ti tekateka iai,

Ao ti tang ngke ti uringa Tion.+

 2 Ti katinetinei ara abi,+

I aon arokan neienne* aika taiani bobura.

 3 Bwa a tuangira ikanne naake a kairiranako bwa aia taenikai bwa ti na anene nakoia,+

A kani kakukureiaki te koraki ake a kakanikoira, ao a kangai:

 4 Ti na kangaa n anenea kunan Iehova,

N te tano ae ianena?

 5 Ngkana I mwaninga taekam ngkoe ae Ierutarem,

Ao ke e mwanuokina* rabakauna baiu ae ataiu.+

 6 Ke e bae neweu ma ngangarakeu,

Ngkana I aki uringko,

Ao ngkana I aki kaaki Ierutarem i eta

Bwa ngaia bukini kimwareireiu ae moan te bati.+

 7 Iehova, uringa aia taeka tibun Etom

N te bong are e bwaka iai Ierutarem, ngke a kangai:

 8 Ngkoe ae natini Baburon te aine ae nang uruakaki,+

E a kukurei ane e anganiko boon

Am mwakuri are ko karaoia nakoira.+

 9 E a kukurei ane e tauia natim

Ma ni bouaiia nako aon taiani bwaa.+