Itaia
38 Ni boong akekei ao e a aoraki Etekia ao e a kaani mate.+ E roko te burabeti are Itaia+ are natin Amoti ao e taku nakoina, “E kangai ana taeka Iehova: ‘Aanga te kaetieti nakoia kaaini batam bwa ane ko nangi mate, ao ko na aki marurung.’”+ 2 Ngaia are e katannako Etekia ni kaitaraa te oo ao e a tataro nakon Iehova ni kangai: 3 “I butiiko Iehova, ma taiaoka uringa+ arou n nakonako i matam ma te kakaonimaki ao te nano ae tabwanin+ raoi, ao I karaoa te bwai ae raoiroi i matam.” Ao e a korakai n tang Etekia.
4 Ao e roko ana taeka Iehova iroun Itaia ae kangai: 5 “Naako oki ao kangai nakon Etekia,+ ‘E kangai ana taeka Iehova ae Atuan Tawita are am bakatibu: “I ongo am tataro.+ I nori rannimatam.+ Ao ngkai N nang kaabwabwaka riki maium* n ririki aika 15,+ 6 ao N na kamaiuko ma te kaawa aei mai nanoni bain uean Aturia, ao N na kamanoa te kaawa aei.+ 7 Aio te kanikina mairoun Iehova ae e na kaotia nakoim bwa e na boni kakororaoa ana taeka Iehova are e a tia n taekinna:+ 8 Ae N na karaoa nuun taai ae kekerikaaki are i aon ana bwai n tamwarake* Aati bwa e na kerikaaki tebwina te mwaneka.”’”+ Mangaia are e a kerikaaki taai tebwina te mwaneka i aon te bwai n tamwarake are e a kaman ruo iai.
9 Ana koroboki* Etekia are Uean Iuta, ngke e aoraki ao e a manga marurung man aorakina.
10 I taku: “I riai n rinnako ni mataroan oon te Ruanimate*
I nukani maiuu.
A na anaaki mairou nikiran au ririki.”
11 I taku: “N na aki nora Iah,* Iah i abaia akana maiu.+
N na aki manga taraiia aomata,
Ngkana I mena i rarikia kaain te tabo ae a a toki iai bwaai ni kabane.
12 E a tia ni koutaki au tabo ni maeka ao ni kanakoaki mairou+
N aron ana umwanrianna te tia kawakintiibu.
I a tia n ninira maiuu n aron te tia rarangaa te kunnikai.
E koreainako n aroni karain te kunnikai.
Ko teimatoa ni karokoai n tokiu ni moa man te ngaina ni karokoa ae bong.+
13 I kabebeteai ni karokoa ae ingabong.
E teimatoa n ototei riiu ni kabane n aron te raian.
Ko teimatoa ni karokoai n tokiu ni moa man te ngaina ni karokoa ae bong.+
14 Mangaia are I teimatoa n tangitang n aron te mannikiba ae uarereke,+
I teimatoa n tang n aron te taobe.+
A korakai matau n taraa te tabo ae rietata+ ao I taku:
‘Iehova, e a korakora rawawatau.
Ko na riki bwa te tia boutokaai!’+
15 Tera ae I kona n taekinna?
E a tia n taetae nakoiu ao ni karaoa te mwakuri.
N na nakonako n nanorinano ni kabane au ririki,
Ibukin rawawatau ae korakora.
Ko na manga kaoka marurungiu ao ni kateimatoa maiuu.+
17 Noria! N oneani mwin te rau, e korakora rawawatau.
Ma ibukin tatangirau iroum
Ko kamaiuai man te mwarua ni kamaunaaki.+
Ko a tia n tewenakoi au bure ni kabane i akum.*+
A aki kona te koraki ake a ruo rikaaki nakon te mwarua ni kabotoi aia kantaninga i aon am kakaonimaki.+
19 Ane e maiu, ane e maiu e kona ni karaoiroiko,
N aron ae I kona n te bong aei.
E kona te tama n angania natina mwaane te atatai ni kaineti ma am kakaonimaki.+
20 Iehova, kamaiuai
Ao ti na katangitangi kunau i aoni bwaai ni katangitang aika iai karaiia,+
Ni kabane bongini maiura n ana auti Iehova.’”+
21 Ao e taku Itaia: “Uotii biiku aika bati aika buabuaaki aika mwau ao kaaki i aon te kaboa, bwa e aonga ni marurung teuaei.”+ 22 N te tai anne ao e a titiraki ni kangai Etekia: “Tera te kanikina bwa N na boni waerake nakon ana auti Iehova?”+